Ereñotzu
Baserriak
Anaiak ziren Urruzuno bietako gizonak, biak leitzarrak, eta hortik datorkio Leitzanea Urruzuno Goikoari. Joxe Joakin Iriberri Zabaleta aita, Leitzakoa izatez, eta Maria Anabitarte ama, eta hauen seme-alabak: Lorentxo (txikitan hila), Joxepa, Guadalupe, Florentino, Manuela, Nati, Gregori, Anttoni eta Joxe Mari.
Basagizona aita, egurgilea, egurra egin eta egurra salduz atera zuen bizimodua.
Gainerakoan, behi batzuk, baratzea eta oiloak. Gazteak, gauza izaten hasi ahala, kanpora lanera.
Azkenik, Florentino gelditu zen etxean gurasoekin. Gero, etxea saldu eta Hernanira joan ziren bizitzera. Orain bi emakumezko etxejabe eta hauek bizi dira Urruzuno Goikoan, etxea poliki birmoldatu dutelarik.
