Deskribapena

OLAK Auzo Elkarteak antolatuta, “Betazalak” musika emanaldia izango da Auzo Udaleko areto nagusian, 19:30etan.

Musikariak:
-Xabi San Sebastian: Ahotsa eta gitarrak
-Satxa Soriazu: Pianoa eta eskusoinua
-Gari Otamendi: Bibolina, biola eta mandolina
Gonbidatu berezia: Aitor Huizi (Huntza) Bibolina

Deskribapena

UEMAk, Hernaniko Udalalk, Ereñotzuko Auzo Udalak eta Txirrita Eskolak abian jarritako egitasmoa aurkeztuko zaie auzoko familiei.

Hauek dira proiektuaren ardatz nagusiak, sustatzaileen hitzetan:

Egitasmo honek bi helburu ditu: euskara komunikazio-hizkuntza izaten jarraitzea eta, aldi berean, euskara ez dakiten jatorri atzerritarreko auzokideen ulermena erraztea zein haien parte hartzea sustatzea.
Euskara zaindu eta sustatuko dugu, gure hizkuntza delako, batzen gaituena. Baina bide berriak bilatuko ditugu euskaraz ulertzen ez dutenak komunitatera hurbiltzeko eta parte aktibo izateko.

Zaintza zerbitzua egongo da eta baita aldibereko itzulpena izateko aukera ere.

Deskribapena

Emozioen kudeaketa familian tailerra emango du Donna Apellaniz terapeuta emozionalak.
Katiluzar Guraso Elkarteak antolatuta.

Deskribapena

Garai batean haur jaio berriei auzotarren babesa eskainiz egiten zen Atsolorraren ohitura berreskuratu zen Ereñotzun duela urte batzuk.

Aurten 2023an jaiotako haurren Atsolorra ospatuko dugu betiko formatua berreskuratuz: musika, merienda eta giro atsegina.

Ereñotzuko Auzo Udalak eta Olak Auzo Elkarteak antolatuta.