Hasiera > Berriak > LIBURUA SALGAI: Gure faunari eta florari begira

LIBURUA SALGAI: Gure faunari eta florari begira

2023-12-15

Gabon sasoiari begira, 2021ean argitaratutako Gure faunari eta florari begira liburua eskuragai izango da Auzo Udalean, 20€ko prezioan.

Eñaut Agirre Goia filologoak eta Iñaki Sanz-Azkue biologoak Urumea bailarako ondare naturala, hizkuntza, herri identitatea eta honen transmisioa jorratzen dituzte, Ereñotzu eta Hernaniko hainbat bizilagunen partehartzearekin. Bertako faunari buruzko informazioa modu atsegin eta dibertigarrian ematen du liburuak, testua irudiekin jantziz. Animalizaleentzako opari ezin hobea.

NEGULEKUAK

Badator Negua eta horrekin batera, badatoz gabonetako Doberako negulekuak!!! Bi astez, ekintza ugari egiteko aukera izango dute etxeko txikiek; hala nola, ludoteketan parte hartzea, irteera txikiak egitea, jolasak, sukaldaritza tailerrak, eta abar.

Aipatutako ekintza guztiak eginez, gure helburu nagusia, haurrei euskarazko aisialdia eskaintzea izango da eta horretan arituko dira gure begiraleak!

Negulekuen eskaintza bi astekoa izan arren, aukera ezberdinak eskaintzen ditugu; lehenengo astean bakarrik parte hartzea, bigarrenean bakarrik parte hartzea edota nahi izatekotan, bi asteak aukeratzea! Aurten gainera, seme-alaba bat baina gehiagoren izen ematea egin nahiez gero, prezio berezia eskaintzen dugu.

2024-11-20

Gehiago irakurri

LARRIALDI SIMULAZIOA

Eusko Jaurlaritzako Larrialdiei Aurre Egiteko eta Meteorologiako Zuzendaritzak jakinarazi digu datorren azaroaren 22an (ostirala),goizeko hamarretan (gutxi gorabehera), Hernaniko udalerrian instalatuta dauden istripu kimikoak iragartzeko alerta-sirenak aktibatuko direla. Saio hori, Seveso araudia dela eta, industria kimikoen segurtasun inguruan Zuzendaritza horrek egiten dituen aldizkako ariketa bat izango da. EZ DA BENETAKO ALARMA IZANGO.

2024-11-18

Gehiago irakurri

ELECTROQUIMIKATIK OHARRA

Electroquímica enpresatik jakinarazi digute grupo elektrogenoan konpoketa bat egin behar dutela. Lan horrek zarata handia sortuko omen du eta arratsaldeko 6rak arte iraundu dezake. Entzuten baduzue edo/eta herritarrek zerbait esaten badizute, jakin ezazue ez dagoela arriskurik.

2024-11-06

Gehiago irakurri