Zementu lasterra fabrikatzeko bost laberen hondarrak, lurrean hondeatuak; bata bestearen segidan instalatuta daude, eta barrutik harri-hormaz estalita. Abandonatuta utzi eta alboan igarotzen den bidea zabaldu zutenetik hondaturik dago, deskargarako hainbat aho kontserbatzen ditu: erdi-puntuko arkuan irekita, lauzaz dobelaturik.

Ekoizpen jarraituko karobi-labea, hegalean txertatuta altxatua. Harri-hormazko eraikina, harlanduxko-ilarekin, emokadurarik gabe. Aurrealdea bakarrik dago bistan, altxaera zuzenekoa; oinarrian deskarga-ahoa dauka irekita, arku eskartzanoz dobelatuta eta lurrez eta bestelako hondarrez beteta.

Garai batean Bazterrolako burdinola hidraulikoaren instalazio izandakoen aurriak. Urumea ibaiaren ezkerreko aldean, Ereñotzu auzoaren pare-parean, harri-hormazko murruen hondarrak, landarez estalita.

Trikuharri luze irekia. Tumuluak 10 m ditu diametroan eta 0,40 m garai da. Oso nahasi ageri da, eta 1951n hondeatu eta gero egindako zangak zeharkatzen du. Kamera estrukturan zentratua, oso hondatua eta paraleloan ipinitako lauza-zatiz osatuta dago. Orientazioa: eki-hego-ekialdea. Kokatuta dagoen tokiko materialak. Hondeatu eta gero eskuratutako materialak San Telmo Museoan daude gordeta. (Aranzadi Zientzia … Continued

Kareharrizko mugarria, paralelepipedo zuzenaren formarekin landua, lursailean sartua eta mutur bat zuzen 0,65 m irteten dela. Goiko planoan, 0,28 x 0,20 m, zizelkatutako 16 segmentu ditu; erpinetatik eta alboko erdi zein laurdenetatik abiatuta, zirkulu batean elkartzen dira. Zirkulu hori ere zizelkatuta dago, erdigunean trazatuta.

Garai batean mineralak kiskaltzeko erabilitako labe bati dagozkion aurriak. Harri-hormazko ostikoa, malkarraren eta haitz handi baten artean eraikia, oinplano angeluzuzenarekin eta alboko altxaera zuzenekin; erdigunean egosteko upela, gaur egun erabat desitxuratua, parez pare bi aho dituela, ostikoarekin zeharka, kanpotik erdi-puntuko arkuan altxatuta.